ಯುವಜಣಾಂಥಾವ್ನ್ ಝಾಡಾಂ ಲಾಂವ್ಚೆಂ ಕಾರ್ಯೆಂ

2023, ಜುಲಾಯ್ 9ವೆರ್ ಆಯ್ತಾರಾ ಮಿಸಾ ಉಪ್ರಾಂತ್ ನಿರ್ಮಾರ್ ಐಸಿವೈಎಮ್ ಘಟಕಾಚ್ಯಾ ಸಾಂದ್ಯಾಂನಿ ಇಗರ್ಜೆಚ್ಯಾ ಮಯ್ದಾನಾರ್ ಝಾಡಾಂ ಲಾಂವ್ಚೆಂ ಕಾರ್ಯಕ್ರಮ್ ಮಾಂಡುನ್ ಹಾಡ್‌ಲ್ಲೆಂ. ಐಸಿವೈಎಮ್ ಕಾರ್ಯದರ್ಶಿ ಕು| ಓಶಲ್ ಸೆರಾವೊನ್ ಹಾಜರ್ ಆಸ್‌ಲ್ಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಐಸಿವೈಎಮ್ ಅತ್ಮಿಕ್ ನಿರ್ದೇಶಕ್ ತಶೆಂಚ್ ಫಿರ್ಗಜ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊನ್ ಇಗರ್ಜೆ ವಠಾರ್ ಸೊಭಿತ್ ಗಾರ್ಡನ್ ಜಾವ್ನ್ ಸೊಭಂವ್ಚಿ ಆಶಾ, ಹೆಂ ವಠಾರ್ ದೆವಾಚ್ಯಾ ಮಹಿಮೆಂತ್ ಆರಾಧಾನಾಚೊ ಜಾಗೊ ಜಾವ್ನ್ ಸೊಭೊಂದಿ ಮ್ಹಣ್ ಝಾಡಾಂ ಲಾವ್ನ್, ಮೊಗಾನ್ ತಾಚೊ ಪೋಸ್ ಕರ್ನ್ ಪರಿಸರ್ ವಾಡಂವ್ಕ್ ಆನಿ ಉರಂವ್ಕ್ ಉಲೊ ದಿಲೊ. ಐಸಿವೈಎಮ್ ಅಧ್ಯಕ್ಷ್ ಕು| ಜೇಶ್ಮಾ ಸಲ್ಡಾನ್ಹಾನ್ ವಿಗಾರಾಚ್ಯಾ ಹಾತಿಂ ಫುಲಾಂಚೆಂ ಝಾಡ್ ದೀವ್ನ್ ತೆಂ ಲಾಂವ್ಚೆಂ ಮುಕಾಂತ್ರ್ ಕಾರ್ಯೆಂ ಉಗ್ತಾಯ್ಲೆಂ. ಉಪ್ರಾಂತ್ 21 ಆಯೋಗಾಂಚ್ಯಾ ಸಂಚಾಲಕಾಂಕ್ ದೊಗಾಂ-ತೆಗಾಂ ಲೆಕಾನ್ ಏಕ್ ಝಾಡ್ ದೀವ್ನ್ ತೆಂ ಲಾಂವ್ಕ್ ಉಲೊ ದಿಲೊ. ಅಕ್ರೇಕ್ ಹಾಜರ್ ಆಸ್‌ಲ್ಲ್ಯಾ ಸರ್ವ್ ಐಸಿವೈಎಮ್ ಸಾಂದ್ಯಾಂನಿ ಝಾಡ್ ಲಾಂವ್ಚೆಂ ಮುಕಾಂತ್ರ್ ಕಾರ್ಯೆಂ ಆಕೇರ್ ಕೆಲೆಂ.