ಆಯೋಗಾವಿಶಿಂ ಮಾಹೆತ್ ಕಾರ್ಯೆಂ

ಕಾಮೆಲಿ ಸಾಂ. ಜುಜೆ ಫಿರ್ಗಜ್, ನಿರ್ಮಾರ್: ಆಯೋಗಾವಿಶಿಂ ಮಾಹೆತ್ ಕಾರ್ಯೆಂ

2023, ಜುಲಾಯ್ 2 ವೆರ್ ನೀರ್ಮಾರ್ಗ ಕಾಮೆಲಿ ಸಾಂ ಜುಜೆ ಫಿರ್ಗಜೆಂತ್ ೨೧ ಆಯೋಗಾಂಚ್ಯಾ ಸಂಚಾಲಕಾಂಕ್ ಆನಿ ಸಾಂದ್ಯಾಂಕ್ಆಯೋಗಾವಿಶಿಂ ಮಾಹೆತ್ ಕಾರ್ಯೆಂ ಮಾಂಡುನ್ ಹಾಡ್‌ಲ್ಲೆಂ. ಫಿರ್ಗಜ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊನ್ ಮಾಗ್ಣ್ಯಾದ್ವಾರಿಂ ಕಾರ್ಯೆಂಉಗ್ತಾವ್ನ್ ಪ್ರಸ್ತಾವಿಕ್ ಉಲವ್ಪ್ ದಿಲೊ. 21 ಆಯೋಗಾಂಚೊ ಸಂಯೋಜಕ್ ಮಾನೆಸ್ತ್ ಮೌರಿಸ್ ರೇಂಜಲಾನ್ ಹಾಜರ್ ಆಸ್‌ಲ್ಲ್ಯಾ ಸರ್ವಾಂಕ್ಸ್ವಾಗತ್ ಕೆಲೊ.

ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಮಂಗ್ಳುರ್ ದಿಯೆಸೆಜಿಚೊ ಸರ್ವ್ ಆಯೋಗಾಂಚೊ ಸಂಯೋಜಕ್ ಮಾ| ಬಾ| ಜೋಸೆಫ್ ಮಾರ್ಟಿಸ್ ಹಾಜರ್ ಆಸ್‌ಲ್ಲೆ. ಪಾಪಾಸಾಯ್ಭಾನ್ ಸಾಂಗ್‌ಲ್ಲೆಬರಿ ಆಮಿ ಎಕಾ ಘಾಯೆಲ್ಲ್ಯಾ ಪವಿತ್ರ್ ಸಭೆಂತ್ ಆಸಾಂವ್, ಫಿರ್ಗಜ್ ಉರಾಜೆ ತರ್ ಬರಿ ಬುನ್ಯಾದ್ ಜಾಯ್. ತ್ಯಾಖಾತಿರ್ ಆಯೋಗ್ ಸಾಂಗಾತಾ ಮೆಳೊನ್ ಚಿಂತಾಪ್ ಆಟಂವ್ಕ್, ಪವಿತ್ರ್ ಸಭೆಚಿಂ ವೆವೆಗ್ಳಿಂ ಕಾಮಾಂ ವ್ಯವಸ್ಥಿತ್ ರಿತಿನ್ ಕರ್ಚ್ಯಾಕ್ ಆಸಾ ಕೆಲ್ಲೆಂ ಏಕ್ವಾಟ್ ವಾ ಏಕ್ ವಿಧಾನ್, ಫಿರ್ಗಜೆಚ್ಯಾ ಅಭಿವೃದ್ಧೆಚ್ಯಾ ವಾವ್ರಾಂತ್ ಚಡಿತ್ ಜಣಾಂಕ್ ಮೆತೆರ್ ಜಾಂವ್ಕ್ ರಚ್‌ಲ್ಲೆಂ ಏಕ್ ವ್ಯವಸ್ಥಿತ್ ಯೋಜನ್ ಮ್ಹಣ್ಆಯೋಗಾವಿಶಿಂ ಮಾಹೆತ್ ದಿಲಿ. ಸಂಬಂಧ್ ಜಾಲ್ಲ್ಯಾ ಆಯೋಗಾಚ್ಯಾ ಸಂಚಾಲಕಾಂಕ್ ತಾಂಚಿ ಜವಾಬ್ದಾರಿ, ವಾವ್ರಾವಿಶಿಂ, ಕಸಲಿಂ ಕಾರ್ಯಕ್ರಮಾಂಹಾತಿಂ ಘೆವ್ಯೆತ್ ಮ್ಹಳ್ಳೆವಿಶಿಂ ಸಂಕ್ಷಿಪ್ತ್ ರಿತಿನ್ ವಿವರ್ ದಿಲೊ. ಅಕ್ರೇಕ್ ಸಾಂದ್ಯಾಂನಿ ವಿಚಾರ್‌ಲ್ಲ್ಯಾ ಸವಾಲಾಂಕ್ ಸ್ಪಷ್ಟ್ ರಿತಿನ್ ಜಾಪಿ ದಿಲ್ಯೊ.ಕಾರ್ಯಕ್ರಮಾಕ್ ಸಂಬಂಧ್ ಜಾವ್ನ್ 2-3 ಆಯೋಗ್ ಸಾಂಗಾತಾ ಮೆಳೊನ್ ವಾ ಫಿರ್ಗಜೆಚ್ಯಾ ಸಂಘಟನಾಂ ಸಾಂಗಾತಾ ಮೆಳೊನ್ ಕನಿಷ್ಟ್ 4-5 ಕಾರ್ಯಿಂ ಪುಣೀ ಮಾಂಡುನ್ ಹಾಡುಂಕ್ ಉಲೊ ದಿಲೊ.

ಮಾನೆಸ್ತ್ ಜೋಯೆಲ್ ಪಿರೇರಾನ್ ಕಾರ್ಯೆಂ ಚಲಯ್ಲೆಂ. ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಫ್ರಾನ್ಸಿಸ್ ಗೊನ್ಸಾಲ್ವಿಸಾನ್ಧನ್ಯವಾದ್ ಪಾಟಯ್ಲೆ. ಸೊಮ್ಯಾಕ್ ಧಿನ್ವಾಸುಯಾಂ ಮ್ಹಳ್ಳ್ಯಾ ಕಂತಾರಾದ್ವಾರಿಂ ಕಾರ್ಯೆಂ ಆಕೇರ್ ಕೆಲೆಂ.